Þessi frétt kom frá Kylfingur.is

Forsíða • mánudagur 19. maí 2008 • 14:02

Hole in One í stærra húsnæði

Eigendur golfverslunarinnar Hole in One eru að stækka verslunina þessa dagana. "Já, við erum búnir að sprengja húsnæðið utan af okkur í Bæjarlind 1-3 sem er rúmir 300 fermetrar og höfum því fundið nýtt húsnæði sem hentar okkur betur, en það er við Bæjarlind 6 og er tæpir 600 fermetrar. Við stefnum á að vera komnir í það húsnæði með reksturinn strax um næstu mánaðarmót. Það verður því nóg að gera hjá okkur strákunum það sem eftir er af þessum mánuði við að standsetja nýju verslunina sem verður hin glæsilegasta," segir Vignir Andersen, einn þriggja eigenda Hole in One.

Mynd/Kylfingur.is: Eigendur Hole in One eru: Jóhannes Ásbjörn Kolbeinsson, Vignir Andersen og Þorsteinn Hallgrímsson.