Dúddý í Miðbæ gefur farandbikar og verðlaunagripi árin 2005 - 2006

Þegar ljóst var að Laukar væru ágætis golfarar var farið í að sníkja verðlaun þannig að við gætum verðlaunað okkur sjálfa og grobbað okkur.

Það voru hæg heimatökin og Hlöbbi G lagðist á hnén og sannfærði Dúddý að gefa farandbikar og 2 stk eignarbikara fyrir árin 2005-2006. Þetta væri verðugt og göfugt tilefni og öllum til skemmtunar. 

 

Fyrsta Onion Open 2005

Það má segja að fyrsta formlega Onion Open hafi verið haldið í GKG í sept 2005.

Blíðu veður var og Hitaveitulaukar skemmtu sér vel. Keppt var í höggleik með forgjöf og eftir harða baráttu stóð Vignir Hlöðversson uppi sem sigurvegari. Eyjalaukar höfðu áhuga en gátu ekki mætt og báru við ýmsum afsökunum, fáar ferðir Herjólfs, það vantar Göng, langt til Reykjavíkur, völlurinn ekki nógu góður o.s.fr.

Haustið 2004 höfðu nokkrir Laukar hist og rætt málin,  sem var þá einskonar upphitun fyrir Onion Open. Laukamottoið er í hávegum haft " Þar sem tveir Laukar eru saman er gaman" 

 

Hlöbbi G afhendir fyrsta Onion Open meistaranum farandbikarinn.